Login... ເຂົ້າໃຊ້ລະບົບ

PunlaoHosting.com

PunlaoHosting.com

Link | ແນະນຳໃຫ້ໝູ່

ແນະນຳເວັບນີ້ຕໍ່ໃຫ້ໝູ່ ງ່າຍ ໆ ພຽງນຳ banner ຂະໜາດ 96x30 ນີ້ໄປຕິດໃນເວັບ ຫຼື profile ທີ່ທ່ານມີ

JoomlaLao.com

Who's Online | ມີໃຜແດ່

We have 20 guests online
ການຕິດຕັ້ງ Extension Print E-mail
Written by au8ust   
Monday, 25 August 2008 13:59

ອີກ ໑ ຈຸດເດັ່ນຂອງ Joomla! ນອກຈາກ Template ແລ້ວກໍ່ຄື Extension ຫຼືສ່ວນເສີມຂອງຈູມລ່າ. ສ່ວນເສີມເຫລົ່ານີ້ຈະເພີ່ມຄຸນສົມບັດໃຫ້ກັບຈູມລ່າ ເຮັດໃຫ້ມີຄວາມສາມາດເພີ່ມຂຶ້ນໄດ້ ແລ້ວແຕ່ວ່າເປັນ Extension ປະເພດໃດ ເຊິ່ງກໍ່ມີຕັ້ງແຕ່

  • ລະບົບຮັກສາຄວາມປອດໄພ
  • ລະບົບໂຄສະນາ
  • ລະບົບຊື້ຂາຍສິນຄ້າ
  • ປະຕິທິນ
  • ໂຕນັບເວລາຖອຍຫລັງ
  • ລະບົບບລັອກ
  • ເວັບບອດ
  • ແບບສອບຖາມ/ແບບທົດສອບ
  • ກ່ອງຂໍ້ຄວາມ/Shoutbox
  • SEO (Search Engine Optimization)
  • Web Directory

ໄປຈົນຮອດລະບົບເວັບໄຊແບບຫຼາຍພາສາເປັນຕົ້ນ. ສ່ວນເສີມເຫລົ່ານີ້ສາມາດເຮັດໃຫ້ເວັບໄຊຂອງເຮົາ ມີສາລະພັດຄວາມສາມາດໄດ້ຫາກເລືອກໃຊ້ເປັນ.

ໃນບົດນີ້ຈະແນະນຳກ່ຽວກັບວິທີການຕິດຕັ້ງ Extension ໃນ Joomla! ເຊິ່ງໂດຍທົ່ວໄປແລ້ວຈະຄ້າຍ ໆ ກັບການຕິດຕັ້ງ Template ໃນບົດກ່ອນໜ້ານີ້. ສຳລັບແຫລ່ງດາວໂຫລດ Extension ຂອງ Joomla! ນັ້ນ ສາມາດເລືອກໄດ້ໃນ http://extensions.joomla.org/ ເຊິ່ງເປັນເວັບໄຊຂອງທາງ Joomla! ເອງ ແລະເປັນແຫລ່ງລວມ Extension ສຳລັບ Joomla! ທີ່ໃຫຍ່ທີ່ສຸດ ມີຄົບທຸກໝວດທີ່ຕ້ອງໃຊ້.

ເຂົ້າໄປເວັບໄຊຂ້າງເທິງ ຊອກາຫ Extension ທີ່ຕ້ອງການໃຊ້ງານ ໂດຍໃນບົດນີ້ຈະໃຊ້ Extension ຊື່ jWeather ເຊິ່ງເປັນສ່ວນເສີມສຳລັບສະແດງຂໍ້ມູນສະພາບອາກາດ ດາວໂຫລດຈາກ http://sourceforge.net/..._id=216023 ເມື່ອໂຫລດມາແລ້ວຈະໄດ້ໄຟລ໌ນາມສະກຸນ .zip

ເມື່ອໂຫລດມາຮຽບຮ້ອຍແລ້ວກໍ່ໄປທີ່ເມນູ Extensions > Install/Uninstall.

ຈາກນັ້ນກໍ່ເລືອກໄຟລ໌ .zip ທີ່ດາວໂຫລດມາກ່ອນໜ້ານີ້.

ເລືອກໄດ້ແລ້ວຄລິກ Upload & Install.

ລໍຖ້າໃຫ້ອັບໂຫລດຮຽບຮ້ອຍ ຈະຂຶ້ນຂໍ້ຄວາມວ່າ Install Module Success.

ໃນບາງຄັ້ງ ຫຼັງຈາກທີ່ອັບໂຫລດ Module ຂຶ້ນມາແລ້ວ ອາດຈະພົບກັບຂໍ້ຄວາມສີສົ້ມ ຫຼືສີແດງ ທີ່ແຈ້ງລະບຸວ່າມີຄວາມຜິດພາດໃນການອັບໂຫລດ ເຊັ່ນໃນກໍລະນີຂ້າງເທິງນີ້ ລະບົບແຈ້ງວ່າໄຟລ໌ພາສາທີ່ນອກເໜືອຈາກພາສາອັງກິດນັ້ນ ບໍ່ສາມາດຕິດຕັ້ງໄດ້ ເພາະບໍ່ມີໃນລະບົບ. ຂໍ້ຄວາມຜິດພາດແບບນີ້ສາມາດຂ້າມໄປໄດ້ເພາະບໍ່ມີຫຍັງສຳຄັນຫຼາຍ ຍົກເວັ້ນໃນບາງກໍລະນີນອກເໜືອຈາກນີ້ອາດຈະເປັນຍ້ອນບໍ່ໄດ້ CHMOD ໂຟນເດີ້ໃຫ້ຖືກຕ້ອງເທື່ອ.

ຂັ້ນຕໍ່ໄປໃຫ້ໄປທີ່ເມນູ Extensions -> Module Manager ເພື່ອຈັດການເປີດໃຊ້ Module ທີ່ຫາກໍ່ຕິດຕັ້ງໄປ.

ໃນໜ້າຈໍ Module Manager ຈະລະບຸລາຍຊື່ Module ຕ່າງ ໆ ທີ່ມີໃນລະບົບ. ໃຫ້ຄລິກທີ່ New ເພື່ອສ້າງຕຳແໜ່ງ Module ໃໝ່.

ໃຫ້ຊອກຫາຊື່ Module ທີ່ໄດ້ຕິດຕັ້ງໄປກ່ອນໜ້ານີ້ ເຊິ່ງກໍ່ຄື jWeather ເມື່ອຊອກແລ້ວກໍ່ຄລິກໃສ່ໜ້າ Module ນັ້ນ ໆ ແລ້ວຄລິກ Next.

ຫຼັງຈາກຄລິກ Next ມາແລ້ວກໍ່ຈະມາສູ່ໜ້າຈໍການຕັ້ງຄ່າ Module. ໜ້າຈໍນີ້ເຮົາຈະສາມາດປັບແຕ່ງຄ່າຕ່າງ ໆ ທີ່ມີໃຫ້ເລືອກໄດ້ ເຊິ່ງແຕ່ລະ Module ກໍ່ຈະມີການຕັ້ງຄ່າທີ່ແຕກຕ່າງກັນໄປ ແລ້ວແຕ່ Module ນັ້ນ ໆ ວ່າອອກແບບມາແນວໃດ. ເມື່ອຕັ້ງຄ່າໄດ້ຈົນພໍໃຈແລ້ວກໍ່ຄລິກທີ່ Save ເພື່ອບັນທຶກຜົນແລ້ວກັບໄປໜ້າລວມ Module ຫຼືຄລິກ Apply ເພື່ອບັນທຶກຜົນແລ້ວຢູ່ໜ້າເກົ່ານີ້.

ສະຫຼຸບແລ້ວຄື:

  1. ຊອກຫາ Module ທີ່ຕ້ອງການໃຊ້.
  2. ດາວໂຫລດມາ.
  3. ຕິດຕັ້ງ.
  4. ປັບແຕ່ງຄ່າຕ່າງ ໆ.
  5. ເປີດເບິ່ງ.
ກໍ່ຈະພົບວ່າ ຂຶ້ນ Module ສະພາບອາກາດຂຶ້ນມາຮຽບຮ້ອຍແລ້ວທາງຂວາມືຕາມທີ່ໄດ້ຕັ້ງຄ່າໄວ້ນັ້ນເອງ.
 

JoomlaLao.com | ກ່ຽວກັບຈູມລ່າລາວ.ຄອມ

JoomlaLao.com ເປັນເວັບທີ່ຂຽນອຸທິດຂຶ້ນເພື່ອໃຫ້ຄົນທີ່ສົນໃຈ ທີ່ຈະຮຽນໃຊ້ Joomla! CMS ໄດ້ມີໂອກາດຮຽນຮູ້ການໃຊ້ງານເບື້ອງຕົ້ນ ລະດັບກາງ ແລະຂັ້ນສູງຂອງ Joomla! ເນື້ອຫາ ແລະຮູບພາບ ໃດ ໆ ໃນເວັບໄຊແຫ່ງນີ້ ສະຫງວນຫ້າມບໍ່ໃຫ້ນຳໄປໃຊ້ໃນບ່ອນອື່ນໂດຍບໍ່ໄດ້ຮັບອານຸຍາດເປັນລາຍລັກອັກສອນ.