Login... ເຂົ້າໃຊ້ລະບົບ

PunlaoHosting.com

PunlaoHosting.com

Link | ແນະນຳໃຫ້ໝູ່

ແນະນຳເວັບນີ້ຕໍ່ໃຫ້ໝູ່ ງ່າຍ ໆ ພຽງນຳ banner ຂະໜາດ 96x30 ນີ້ໄປຕິດໃນເວັບ ຫຼື profile ທີ່ທ່ານມີ

JoomlaLao.com

Who's Online | ມີໃຜແດ່

We have 31 guests online
ແນະນຳກ່ຽວກັບ Joomla! Print E-mail
Written by au8ust   
Monday, 25 August 2008 13:30

ຄວາມເປັນມາ

ກ່ອນອື່ນຕ້ອງຂໍກ່າວຄວາມເປັນມາຂອງ Joomla! ກັນກ່ອນ ໂດຍຍ້ອນກັບຄືນໄປຈົນເດືອນເມສາ ປີ 2001 ຄັ້ງເມື່ອ Mambo ອອກເວີຊັນ 1.0 ມາໃຫ້ຊາວໂລກໄດ້ໃຊ້ກັນ. Mambo ໃນເວລານັ້ນກໍ່ເປັນ CMS ແບບດຽວກັບ Joomla! ແຕ່ອອກກ່ອນ ອອກກ່ອນຫຼາຍປີຫຼາຍ. Mambo ຖືກຂຽນຂຶ້ນມາໂດຍວິສະວະກອນໃນບໍລິສັດ Miro Corporation ປະເທດອອດສະເຕຼເລຍ. ເມື່ອຄັ້ງທີ່ Mambo ເປີດຕົວໃໝ່ ໆ ນັ້ນ ມັນໄດ້ສ້າງມິຕິໃໝ່ຂອງວົງການ CMS ໄດ້ເປັນຢ່າງດີ. ດ້ວຍຄວາມສາມາດອັນພິດສະດານ, ແຍກຍ່ອຍໄດ້ຫຼາຍຮູບການ ແລະທີ່ສຳຄັນ ຍັງເປັນ OpenSource ເຊິ່ງສາມາດນຳໃຊ້ໄດ້ຟຣີ ບໍ່ເສຍຄ່າລິຂະສິດ ບໍ່ວ່າຈະໃຊ້ສ່ວນຕົວ ຫຼືໃຊ້ໃນທາງການຄ້າ.

ປັດໃຈສຳຄັນທີ່ເຮັດໃຫ້ການພັດທະນາ Mambo ເປັນໄປຢ່າງວ່ອງໄວແມ່ນມັນເປັນ OpenSource ເຊິ່ງເຮັດໃຫ້ສາມາດດຶງດູດນັກພັດທະນາອິດສະລະຈາກທົ່ວທຸກມຸມໂລກ ມາຮ່ວມກັນສ້າງ Mambo ໃຫ້ເປັນ CMS ທີ່ມີຊຸມຊົນເຂັ້ມແຂັງໃນເວລາຕໍ່ມາ ເຊິ່ງມີການພັດທະນາໄປຫຼາຍ ຈົນມີການຫາຜົນປະໂຫຍດຈາກ Mambo ໃນຮູບແບບຕ່າງ ໆ ເຊັ່ນ ຂາຍ Templates ແລະ Extensions ເຊິ່ງເປັນຈຸດສຳຄັນທີ່ດັນໃຫ້ Mambo ເຂົ້າສູ່ແວດວົງຜູ້ໃຊ້ລະດັບ Enterprise ຫຼາຍຂຶ້ນ.

ເວລາລ່ວງມາຮອດປີ 2005 ເກີດຄວາມຂັດແຍ່ງກັນລະຫວ່າງທີມງານພັດທະນາ Mambo ແລະອົງກອນທີ່ມີສ່ວນຮ່ວມ ອັນເປັນເຫດສູ່ການແຍກທາງກັນໃນເວລາຕໍ່ມາ. ໃນເດືອນສິງຫາຂອງປີດຽວກັນ ທີມພັດທະນາຫລັກຂອງ Mambo ຕັດສິນໃຈຖອນຕົວອອກຈາກການພັດທະນາ Mambo ແລະລວມຕົວກັນໄປສ້າງໂຄງການ CMS ຕົວໃຫມ່ຂຶ້ນ.

ໃຊ້ເວລາບໍ່ດົນ Joomla! 1.0 ກໍ່ຖືກຳເນີດໃນຊ່ວງປາຍປີ 2005. Joomla! ໃນເວລານັ້ນມີຫຼາຍ ໆ ສ່ວນທີ່ຄ້າຍກັບ Mambo ຫຼາຍ ແຕ່ User Interface ແລະລະບົບການບໍລິຫານເວັບນັ້ນ ກ້າວໜ້າໄປຫຼາຍຂຶ້ນ. ອີກທັງນັກພັດທະນາຈາກໂຄງການ Mambo ກໍ່ຍ້າຍເຮືອນມາຢູ່ກັບໂຄງການ Joomla! ຫຼາຍຂຶ້ນເລື້ອຍ ໆ ໃຊ້ເວລາພຽງປີດຽວຫລັງຈາກເປີດຕົວມາ ກໍ່ມີຄົນດາວໂຫລດ Joomla! ໄປແລ້ວ 2,500,000 ເທື່ອ ແລະມີນັກພັດທະນາກວ່າ 65,000 ຄົນ ອີກທັງເວັບທີ່ໃຊ້ Joomla ເປັນຈຳນວນນັບບໍ່ຖ້ວນ.

ພາບລວມຂອງ Joomla

Joomla ເປັນລະບົບ CMS (ຫຍໍ້ມາຈາກ Content Management System) ທີ່ຊ່ວຍໃຫ້ການສ້າງເວັບໄຊບໍ່ເປັນເລື່ອງທີ່ຫຍຸ້ງຍາກອີກຕໍ່ໄປ. ຜູ້ໃຊ້ອາດຈະບໍ່ຈຳປັນຕ້ອງຮູ້ຈັກພາສາ HTML ເລີຍ ກໍ່ສາມາດສ້າງເວັບໄຊຂຶ້ນມາໄດ້ ບໍ່ຄືການສ້າງເວັບແບບເກົ່າທີ່ຈ້ອງເພິ່ງພາຄວາມຮູ້ກ່ຽວກັບພາສາ HTML ຫຼືໂປຣແກຣມສ້າງເວັບເຊັ່ນ Dreamweaver, FrontPage ຫຼື NetObject Fusion ເປັນຕົ້ນ. ຂໍ້ດີຂອງລະບົບບໍລິຫານເວັບໄຊ ຫຼື CMS ແມ່ນ:

  1. ສ້າງເວັບໄຊໄດ້ໂດຍບໍ່ຕ້ອງຮຽນ HTML ຫຼາຍ.
  2. ບໍ່ຈຳເປັນຕ້ອງເຮັດເວັບແລ້ວຄ່ອຍອັບໂຫລດຂຶ້ນອິນເຕີເນັດ ເພາະສາມາດເຮັດໄດ້ຜ່ານຫນ້າເວັບເລີຍ.
  3. ງ່າຍຕໍ່ການບຳລຸງຮັກສາ.
  4. ຫຼຸດຕົ້ນທຶນໃນການສ້າງເວັບໄຊ.
  5. ຂຽນເນື້ອຫາບົດຄວາມຮ່ວມກັນໄດ້ດີ.
ນັ້ນເປັນສ່ວນໜຶ່ງຂອງຄຸນປະໂຫຍດຂອງການນຳໃຊ້ CMS ເທົ່ານັ້ນ ຍັງມີອີກຫຼາຍຢ່າງທີ່ Joomla! CMS ສາມາດເຮັດໄດ້ ເຊັ່ນ ການເກັບກຳແລະບັນທຶກຜົນການເຂົ້າອ່ານຂອງຜູ້ຊົມເວັບໄຊເປັນຕົ້ນ.
 

JoomlaLao.com | ກ່ຽວກັບຈູມລ່າລາວ.ຄອມ

JoomlaLao.com ເປັນເວັບທີ່ຂຽນອຸທິດຂຶ້ນເພື່ອໃຫ້ຄົນທີ່ສົນໃຈ ທີ່ຈະຮຽນໃຊ້ Joomla! CMS ໄດ້ມີໂອກາດຮຽນຮູ້ການໃຊ້ງານເບື້ອງຕົ້ນ ລະດັບກາງ ແລະຂັ້ນສູງຂອງ Joomla! ເນື້ອຫາ ແລະຮູບພາບ ໃດ ໆ ໃນເວັບໄຊແຫ່ງນີ້ ສະຫງວນຫ້າມບໍ່ໃຫ້ນຳໄປໃຊ້ໃນບ່ອນອື່ນໂດຍບໍ່ໄດ້ຮັບອານຸຍາດເປັນລາຍລັກອັກສອນ.