ຂັ້ນສູງ ເພີ່ມເວັບບອດໃຫ້ຈູມລ່າ
| ເພີ່ມເວັບບອດໃຫ້ຈູມລ່າ |
 |
 |
| Written by au8ust | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Monday, 25 August 2008 14:01 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
Webboard ເປັນໜຶ່ງໃນເຄື່ອງມືທີ່ຈະຊ່ວຍໃຫ້ຜູ້ເຂົ້າຊົມເວັບ ສາມາດຕອບແລກປ່ຽນຄຳຄິດເຫັນຜ່ານໜ້າເວັບໄຊໄດ້ ເຊິ່ງມີປະໂຫຍດຫຼາຍສຳລັບເວັບໄຊທີ່ຕ້ອງມີການສົນທະນາກັນ ບໍ່ວ່າຈະເປັນບັນຫາຕ່າງ ໆ ຫຼືຂໍ້ຄິດເຫັນທີ່ມີ. ບົດນີ້ຈະແນະນຳວິທີຕິດຕັ້ງ ແລະປັບແຕ່ງຄ່າເບື້ອງຕົ້ນໃຫ້ກັບ FireBoard ເຊິ່ງເປັນສ່ວນເສີມຂອງ Joomla! ທີ່ເຮັດໃຫ້ມີເວັບບອດໄວ້ໃຊ້ໄດ້ໂດຍບໍ່ຍາກຈົນເກີນໄປ. ບົດຄວາມກ່ຽວກັບການຕິດຕັ້ງ Webboard ໂດຍໃຊ້ສ່ວນເສີມ FireBoard ນີ້ຍາວຫຼາຍ ເຖິງຈະເປັນຄຳແນະນຳເບື້ອງຕົ້ນ ແຕ່ກໍ່ມີຫຼາຍຂັ້ນຕອນ ແລະສັບຊ້ອນຢູ່ເລັກນ້ອຍ ຈຶ່ງຂໍແນະນຳໃຫ້ອ່ານແລະປະຕິບັດຕາມດ້ວຍຄວາມລະວັງ.
ເມື່ອກຽມຕົວກຽມໃຈພ້ອມອ່ານ ແລະປະຕິບັດຕາມບົດຮຽນນີ້ແລ້ວ ກໍ່ຈັດການດາວໂຫລດ FireBoard ມາໄວ້ກ່ອນ ດາວໂຫລດໄດ້ທີ່ເວັບໄຊ Best of Joomla ເມື່ອໂຫລດມາແລ້ວຈະໄດ້ໄຟລ໌ນາມສະກຸນ .zip ໂດຍໃນບົດຄວາມນີ້ຈະໃຊ້ FireBoard 1.0.4 ແລະໃຊ້ Joomla! 1.5.6. ສຳລັບ FireBoard 1.0.4 ນັ້ນ ເປັນ Native for Joomla! 1.0.x ດັ່ງນັ້ນ ການທີ່ຈະໃຊ້ຮ່ວມກັບ Joomla! 1.5.x ໄດ້ນັ້ນ ຕ້ອງເປີດ plugin ຊື່ Legacy ໃນ Joomla! 1.5 ກ່ອນ.
ໄປທີ່ເມນູ Extensions -> Plugin Manager.
ເລື່ອນລົງມາລຸ່ມ ໆ ແລ້ວເລືອກ Display # ເປັນ All ເພື່ອໃຫ້ສະແດງ plugin ທັງໝົດທີ່ມີຢູ່.
ເລື່ອນລົງມາຊອກຫາ plugin ທີ່ຊື່ System - Legacy ແລ້ວຄລິກໃສ່ທີ່ເຄື່ອງໝາຍສີແດງຕາມຮູບຂ້າງເທິງ ເພື່ອເປີດໃຊ້ plugin ໂຕນີ້.
ຈາກນັ້ນໃຫ້ໄປທີ່ເມນູ Extensions -> Install/Uninstall.
ເຂົ້າມາໜ້າ Install/Uninstall ແລ້ວກໍ່ຄລິກເລືອກໄຟລ໌ທີ່ດາວໂຫລດມາກ່ອນໜ້ານີ້ຂອງ FireBoard ແລ້ວຄລິກທີ່ Upload & Install.
ລໍຖ້າໃຫ້ອັບໂຫລດຮຽບຮ້ອຍແລ້ວ ກໍ່ຈະຂຶ້ນຂໍ້ຄວາມວ່າ Install Component Success.
ຕໍ່ໄປໃຫ້ຄລິກທີ່ Components -> FireBoard Forum.
ຈະພົບກັບໜ້າຈໍການຕັ້ງຄ່າຂອງ FireBoard. ໃຫ້ຄລິກ Apply! ເພື່ອເລີ່ມການຕິດຕັ້ງ FireBoard ໃນຂັ້ນຕອນຕໍ່ໄປ.
ຫາກບໍ່ມີຫຍັງຜິດພາດ ກໍ່ຈະຂຶ້ນຂໍ້ຄວາມວ່າ successful! ກໍ່ເປັນອັນວ່າ ສິ້ນສຸດການຕິດຕັ້ງແລ້ວ ໃຫ້ຄລິກໄປທີ່ Click here to continue...
ແລະນີ້ຄືໜ້າຈໍສຳລັບປັບແຕ່ງຄ່າທັງຫມົດຂອງ FireBoard ເຊິ່ງຈະແບ່ງອອກເປັນຫຼາຍ ໆ ສ່ວນເພື່ອສະດວກກໍ່ແກ່ເຂົ້າເຖິງ.
ຂັ້ນຕອນຕໍ່ໄປຄື ເພີ່ມເມນູ Webboard ໃຫ້ກັບໜ້າເວັບຂອງເຮົາ ກໍ່ໄປທີ່ຫົວຂໍ້ Menus -> Main Menu (ຫຼືເມນູອື່ນ ໆ ທີ່ຕ້ອງການໃຫ້ເມນູເວັບບອດປະກົດຂຶ້ນ).
ເມື່ອຄລິກທີ່ Main Menu ແລ້ວ ກໍ່ຈະພົບລາຍການເມນູທັງໝົດທີ່ມີໃນເມນູນັ້ນ ໆ ກໍ່ໃຫ້ຄລິກໄປທີ່ New ເພື່ອສ້າງເມນູໃໝ່.
ໜ້ານີ້ຈະໃຫ້ເລືອກປະເພດຂອງເມນູທີ່ຈະສ້າງ ໃຫ້ເລືອກເປັນ FireBoard Forum.
ຈາກນັ້ນ ກໍ່ຈະຂຶ້ນໜ້າຈໍໃໝ່ຂຶ້ນມາ ໃນໜ້ານີ້ຈະໃຫ້ຕັ້ງຄ່າເມນູ ກໍ່ໃສ່ຕາມຮູບເລີຍກໍ່ໄດ້ ແລ້ວ ໆ ກໍ່ຄລິກ Save ແລ້ວໄປເບິ່ງໜ້າທຳອິດຂອງເວັບ.
ຈະປະກົດເຫັນເມນູ Webboard ຂຶ້ນມາແລ້ວ.
ເມື່ອຄລິກທີ່ເມນູ Webboard ແລ້ວ ກໍ່ຈະເຂົ້າສູ່ໜ້າເວັບບອດ ເຊິ່ງຈະພົບວ່າຍັງບໍ່ສາມາດຕັ້ງຫົວຂໍ້ ຫຼືຕອບຫົວຂໍ້ຫຍັງໄດ້ເທື່ອ ເພາະຍັງບໍ່ໄດ້ສ້າງໝວດຂຶ້ນມາເທື່ອ. ໃຫ້ກັບໄປທີ່ໜ້າ Administrator -> Components > FireBoard Forum.
ເຂົ້າມາແລ້ວກໍ່ຄລິກທີ່ Forum Administration ເພື່ອສ້າງໝວດໃໝ່.
ຄລິກທີ່ New.
ຄລິກ New ມາແລ້ວກໍ່ໃສ່ລາຍລະອຽດຂອງໝວດໃໝ່ໃຫ້ຮຽບຮ້ອຍ ສ່ວນດ້ານລຸ່ມນັ້ນ ຫາກໃສ່ບໍ່ເປັນເທື່ອກໍ່ຂ້າມໄປກ່ອນ ແລ້ວຄລິກ Save. ການສ້າງໝວດທຳອິດຂອງເວັບບອດນີ້ ຈະບໍ່ສາມາດໃຊ້ໄດ້ເທື່ອ ຕ້ອງສ້າງໝວດຍ່ອຍອີກຕື່ມ ດັ່ງນັ້ນໝວດທຳອິດທີ່ຈະສ້າງ ຄວນໃສ່ຊື່ທີ່ເປັນຊື່ທົ່ວ ໆ ໄປເຊັ່ນ “Webboard” ຫຼື “Forum” ເປັນຕົ້ນ
ເມື່ອສ້າງໝວດທຳອິດໄດ້ແລ້ວ ກໍ່ຕ້ອງສ້າງໝວດຕໍ່ໄປນຳ ໃຫ້ຄລິກ New ຕໍ່ໄປ.
ກໍ່ເຂົ້າມາໜ້າແບບເກົ່າ ແຕ່ເທື່ອນີ້ໃຫ້ພິມເລືອກ Parent ເປັນໝວດທີ່ສ້າງໄວ້ກ່ອນໜ້ານີ້ ແລ້ວໃສ່ຊື່ອື່ນ ໆ ໄປຕາມປົກກະຕິເຊັ່ນ “ສົນທະນາທົ່ວໄປ” ຫຼື “ສອບຖາມບັນຫາ” ເປັນຕົ້ນ ໂດຍໃນຕົວຢ່າງນີ້ຈະໃສ່ຊື່ໝວດທຳອິດວ່າ “Webboard” ແລະໃສ່ຊື່ໝວດຍ່ອຍວ່າ “Football”. ເມື່ອຮຽບຮ້ອຍແລ້ວກໍ່ຄລິກ Save.
ຈາກນັ້ນກໍ່ຈະກັບມາທີ່ໜ້າລາຍຊື່ໝວດຕ່າງ ໆ ເຊິ່ງຈະສັງເກດວ່າມີໝວດທີ່ເຮົາສ້າງຂຶ້ນທັງສອງໝວດປະກົດຂຶ້ນຢູ່ ແຕ່ຍັງບໍ່ໄດ້ເປີດໃຊ້ເທື່ອ ໃຫ້ສັງເກດທີ່ແຖບ Published ຈະເປັນເຄື່ອງໝາຍສີແດງ ໃຫ້ຄລິກໃສ່ເຄື່ອງໝາຍສີແດງດັ່ງກ່າວ ແລ້ວຈະກາຍເປັນສີຂຽວ ໃຫ້ເຮັດແບບດຽວກັນນີ້ທັງສອງໝວດ ຈົນໄດ້ແບບໃນຮູບປະກອບຂ້າງເທິງ.
ຫຼັງຈາກນັ້ນ ໃຫ້ກັບອອກມາເບິ່ງໜ້າເວັບ ຈະພົບວ່າ ໄດ້ມີໝວດໃໝ່ຂຶ້ນມາສະແດງແລ້ວ ໃຫ້ຄລິກເຂົ້າໄປທີ່ຊື່ໝວດຍ່ອຍທີ່ສ້າງໄວ້.
ຈະພົບວ່າຍັງບໍ່ມີຫົວຂໍ້ ຫຼືກະທູ້ສົນທະນາໃດ ໆ ເທື່ອ ເຊິ່ງສາມາດຕັ້ງໃໝ່ໄດ້ໂດຍຄລິກທີ່ New Thread.
ການຕັ້ງກະທູ້ ຫຼືຫົວຂໍ້ສົນທະນານັ້ນ ກໍ່ງ່າຍ ໆ ໃສ່ຊື່ຫົວເລື່ອງໃນ Subject ແລະໃສ່ຂໍ້ຄວາມທີ່ຕ້ອງການໃນ Message ແລ້ວກໍ່ເລື່ອນລົງມາຄລິກ Submit.
ກໍ່ເປັນອັນວ່າ ຕັ້ງກະທູ້ຮຽບຮ້ອຍແລ້ວ.
ລະບົບຈະ redirect ກັບມາທີ່ຫົວຂໍ້ກະທູ້ທີ່ຫາກໍ່ສ້າງໄປ.
ເມື່ອຄລິກມາເບິ່ງໜ້າຂອງເວັບບອດ ຈະພົບວ່າມີຫົວຂໍ້ທີ່ຫາກໍ່ສ້າງກ່ອນໜ້ານີ້ຂຶ້ນມານຳ.
ສົ່ງເລື່ອງນີ້ໃຫ້ໝູ່
Hits: 7612 32 ຄຳເຫັນ
ຂຽນຄຳເຫັນກ່ຽວກັບເລື່ອງນີ້
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
